Bingbir Ṭhirual Konglam
Bingbir Ṭhirual cu ral nih a denmi Chinram, Myanmar ram ah hngakchia fimthiamnak covo kilven ding in aa zuammi a si. Ral ruangah sianginn le innlo an rawk i hngakchia tampi caah him tein sianginn kai khawhnak an ngei lo i an hmailei ruahchannak a mui.
Kan hmuitinh cu ral buainak nih ngakchia cawnnak caantha a chuh lo nakhnga zohkhenh le kilven hi a si. Chinram chung ngakchia hna nih an fimcawnnak an pehzulh khawhnak hnga a herhmi thilri le bawmhnak an sin phanhter hna hi a si.
Bingbir Ṭhirual cu Chin ram ral le hremnak chungin a luat i ramdang
a phanmi hna nih dirhmi a si. Hmuhtonmi, zumhnak le ttuanvo ngeihnak thukpi cungah hram aa bunhmi a si. Miphun ca’h a tuan ve mibu zumhtlak hna he, herh ning in, neihniam tein rian a ṭuanṭi i mipi bawmhnak hna cu a herh biknak ah tlamtling le fiangfai tein phanh ter aa zuam mibu a si.
Bingbir Ṭhirual cu bawmh a duhmi le bawmh a herhmi hna karlak ah pehtlai tu hri a si i ruahchannak, tinhmi le a hmunmi thlennak caah lam sial aa zuam mibu a si.
Khua Pakhat in Thawknak
Atu ah bawmhnak a herh colh mi khua pakhat chung i sianginn pakhat, ngakchia 200 hrawng umnak ah rianhma kan domh.
Hi rianttuannak hi Chin ramkulh chung um khua dang le hmundang zong ah a rauh hlan ah kauhter ding hi kan saduhthah a si. Pakhat le khat kan i telpi i kan ṭuan khat hna cun tlam a tling hrimhrim ko lai ti kan i ruahchan.
Hi saduhthahnak a tak in a tlam a tlinnak ding le a ṭhancho chinnak dingah, nangmah le keimah nih rian ngan pi kan ngei. Lungthin, thazaang le chawva in rak kan telpi ve ding in kan in sawm.
I Upatnak le Ralrinnak
Him lonak poipang a chuah sual lonak ding i ralrin nak caah tiin, khua min, minung mui le umnak hmun cu mipi sinah langhter a si rih lo. Hmailei ah kan i timhmi le ruahchanmi cu riantuantu, bawmtu, petu le dawtu hna he tiah i ton i kan riantuannak zoh fel khatnak, khuakhan ṭinak, le upatnak i peknak tehna tete hna um te sehlaw tiin saduh kan that.
Cu hlan chung cu, kan bawmhmi hna kilven nak ah tiin ralring deuh tein rianṭuan dingin kan i zuam.